今朝好大雨呀!! 好彩尋日大少放假天氣好好咋! 尋晚我地去咗屋企附近嘅Novotel 酒店食buffet, 慶祝兔寶寶婆婆生日!
呢 間野响香港, 九龍同東涌都有, N年前佢東涌果間buffet 响openrice嘅comment 都OK嫁! 近期就多咗好多"喊面", 依然選佢主要係我地太遲book, 同埋九龍店近我地屋企! 尋晚食完之後, 我嘅結論係, 如果你唔食甜品, 佢一定係我食過最健康嘅buffet!! 因為行雲全場唔計甜品, 我只係攞咗芝士, 煙三文魚, 蛋沙律, 吞拿魚沙律同埋兩隻凍螺! 熱盤就攞咗一粒仔牛肉!! 大少連蟹柳都攞就知呢間野幾咁多野食!!
而兔寶寶呢, 一開始掛住瞓, 瞓醒就好少有咁扭計!! 又唔係扭食奶喎!!
我估佢係唔肯食奶瓶!! 最攪笑係返到屋企後, 佢係兩小時痾咗三次! 大少戲言, 係兔寶寶去咗食buffet而唔係我地食!! 尋日兔寶寶舅父買咗部相機俾我....heehee...好似係我生日多D喎!!
試吓部新相機先!
兔寶寶愈嚟愈有李嘉誠feel喇!! 甩毛攪到髮綫向後個頭愈來愈秃...
唔緊要, 你幾醜樣都好媽咪同婆婆都一樣愛你...
不過戴返頂帽會好D.....
流口水....
嚟啦同媽咪影幅先啦...
三人全家幅...
兔寶寶你望住婆婆諗緊乜??
同舅父影....婆婆唔知係咪跌咗D利是, 希望响屋企搵得返!! 交換利是儀式唯有用餅卡頂住當先!!
大合照....有相為証, 兔寶寶係望住我嫁!!
呀媽, 生日快樂!!
**************************************************************************
沒有留言:
張貼留言