唔係屋企時, 我通常都係泵定D奶落奶瓶, 我仲未夠膽出街都埋身餵呀!
不過呢一排我發現兔寶寶唔多肯食奶瓶, 一放個奶瓶入口佢就喊, 零願餓住個肚等我返屋企餵佢!!
尋 晚出咗去酒樓食飯果時又係咁! 全程本來都好地地, 大少仲讚兔寶寶坐响架BB車度唔瞓覺都無扭過計, 直到我地差不多食飽飽時大少諗住抱佢出嚟俾知客姐姐玩吓, 影吓相咁, 兔寶寶就開始唔耐煩; 到放枝奶落佢個口度, 就出事喇!! 喊到面仔都紅晒, 要我收埋支奶抱住氹返先得!! 怕佢肚仔餓要即刻返屋企, 連甜品都無食!!
兔寶寶似足佢daddy, 早餐食好少野(奶)!! 所以我習慣每日早上或者零晨時份都會泵一次奶!! 泵出來嘅奶雪來做後備, 同埋如果唔泵, 瞓瞓吓張床單同被會濕晒!!
就係因為呢排兔寶寶唔肯用奶瓶食奶, D後備奶就等夠期俾我丟!! (我無買儲奶袋, 只會keep一枝冰奶响冰箱)
唔想浪費(果D奶都有來自我嘅鈣質嘛....泵咗出來丟, 就好浪貴了...雖然D奶有脂肪, 泵出來係咪可以減肥呢?!
) 再加埋懶, 有兩日無泵奶, 尋晚我瞓瞓吓, 左邊乳房劇痛!!
摸落仲感覺到D乳腺漲晒出來, 好硬仲好痛, 見兔寶寶醒醒地, 摷醒佢幫手吸!! 不過佢應該吸唔倒! 果時係零晨兩點! 之後我就用泵吸, 都係吸唔通D乳腺, 唯有忍痛等第二日起身睇醫生!! 一路瞓就一路諗, 咁嘅情況, 樓下診所有無得睇呢?! 定係睇婦科?!
到今朝6點幾7點, 真係痛到忍唔倒, 又再俾兔寶寶吸!! 雖然好痛但最最最有效而唔洗食藥嘅方法就係靠個BB吸, 呢個係教我餵母乳果個護士教我嘅智識!!
好彩兔寶寶對吸奶呢項工作永無托手肘, 非常敬業樂業咁吸吸吸, 兩母女一齊努力, 哈哈! 得咗!! D硬塊無晒, 唔痛LU!!
唔該晒兔寶寶你啊!! 大少話我地兩母女係最佳拍擋! 大少都好開心啦, 慳返幾舊水睇醫生!!
********************************************************************
大少好慘呀, 星期二晚又撞車!! 好彩人無事咋!! 今年已經係第二次撞了..... 修理架車要5000大元!!今次係因為對方司機跟車太貼, 所以由對方賠!!
尋日放假定一定驚!!
大少呀大少, 你個女好細個嫁咋, 你駕車真係要小心D先得喇!!!
沒有留言:
張貼留言