好耐無出過煮野食呢個topic喇!!
呢排晏晝如果無出去飲茶, 都會响屋企煮吓野食嫁!!
等大少俾家用俾得"剧"D吖嘛~
不過都係煮吓麵呀煮吓粉咁...
太過簡單太過普通都無放上blog喇!
前幾日兔寶寶嫲嫲俾咗一大瓶自己炒嘅八寶醬我,
呢個八寶醬主要有豆乾, 筍, 蝦米, 肉粒, 冬菇粒,
材料可加可減, 以前嫲嫲有加過嘅材料有鴨腎, 瑤柱等...
嫲嫲係上海人, 煮餸喜愛傳統嘅濃油赤醬口味...
大少食慣咗, 可以大啖大啖空口食.
我就覺得就咁食有少少咸,
送麵送粥會啱啱好....
咁啱前日出街食飯食剩咗個"靚仔",
唔好side打包返屋企;
今日襯兔寶寶瞓咗覺, 大少又放假出咗街"反",
快手快腳炒咗個飯食...
加多隻蛋.......全程唔使加鹽唔使加油啱啱好....
前兩日响惠康買嘅pizza餃子,
入面有我鍾意嘅芝士,
熱辣辣食好味道....
情人節整過嘅焦糖布甸,
大少唔知有幾肥, 好鍾意食...
見佢咁鍾意加埋咁耐無整, 一於番兜, 整嚟氹吓佢!!
仲有整埋我喜愛嘅腐竹薏米糖水,
坐完月之後都無乜點戒口,
而家連100日都過咗, 唔洗諗雪凍食....正呀!!
話唔戒口姐, 但係仲餵緊人奶,
鈣質點都要補一補....
日日飲牛奶食豆腐飲到厭食到厭,
响百佳見到呢隻加鈣豆漿,
唔單止無糖, 鈣質含量更高過平時飲開嘅高鈣低脂奶,
豆味都幾濃嫁~~
兔寶寶: 咁多野食有無我份呢?!
沒有留言:
張貼留言