白皮豬...

7月10日  星期日  晴天

"春天不是讀書天, 夏日炎炎正好眠;
 秋有蚊蟲冬有雪, 收拾書包等過年."

呢首打油詩, 我宜家成日都响大少面前啍架!!
鬼叫佢成日話要去做gym減肥,
但每日都有唔同嘅藉口唔去...
兔寶寶出世咁耐,
佢去跑步嘅次數, 一隻手嘅手指都數得晒!

一時又話要同兔寶寶沖涼唔夠時間,
其實你夜晚唔打機打到天光咪有時間瞓囉!
一時又話做gym曬唔黑,
咁你去照燈啦! 再唔係唔好去做gym, 落樓下公園跑囉!!
佢又話有蚊咬佢喎~~

今日, 大少終於忍唔住我嘮嘮叨叨, 落咗公園跑步喇!!
點知唔夠15分鐘走番上嚟, 話落雨喎!!

大少, 你好野!!
恭喜你成為全間屋最白嘅人!!
"白皮豬"呢個獎狀你實至名歸!!