世衛建議BB响六個月以後先開始進食母乳以外嘅食物,
除咗之前食過輪狀疫苗以及收鼻水藥之外,
兔寶寶總算做到了...
對於兔寶寶一定要埋身先食奶,
本來我都無咩所謂,
反正又唔係有人幫我湊,
埋身餵始終比用奶瓶方便.
不過自從上次兔寶寶入醫院之後,
就帶俾我另一種睇法.
上次吃收鼻水藥,
雖然係用針筒餵,
但兔寶寶都係"NUR"出來的多,
食落肚的少...
食輪狀疫苗又食得好地地喎~
或者果隻收鼻水藥無咁甜吧!
無論如何, 兔寶寶唔多識吞野,
就令我產生一D危機感.
同埋上次入醫院,
個醫生問我要唔要埋咳藥水,
但又強調BB咳藥水其實無咩用,
並且有令胃口變差嘅副作用...
咁即係無用啦~
大肚果時問過位元堂個中醫,
BB有咳有痰就最好食猴棗末係最有用.
咁都要佢識食先得嫁!!
成千蚊得果少少如果佢"NUR"出來就慘了,
所以呢兩日都開始俾少少米糊佢試吓,
睇吓佢識唔識吞...
我開好少俾佢咋,
都預咗佢"NUR"
開咗一茶匙左右,
佢好開心咁食,
亦都好開心咁"NUR"...
始乎未接受到,
不過我都預咗,
打算每日試一D.
宜家食緊嘅係雀巢嘅sample,
網上面好多人話佢唔好, 因為好多添加物同好甜,
我都試過, 真係甜嫁!
所以打算聽日去買D好D嘅米糊返嚟試,
睇吓會唔會好D...
兔寶寶好鍾意咬住隻匙羹呀!!!!
另外, 呢幾日我都有抱住兔寶寶落吓街行吓!
都係响黃昏時太陽無咁晒果時去,
乜野車仔揹巾都無, 就咁抱,
一邊褲袋袋住抽鑰匙,
一邊袋住幾廿蚊,
去吓超市呀, 萬0呀, 7仔呀咁,
等我有地方行吓走吓散吓步之餘,
兔寶寶又見吓世面...嘻嘻!
由於我無手再拎袋,
我就响兔寶寶頸上掛上一個史迪仔嘅小手袋,
可以袋吓買回來的糖果香口膠呀咁.
D收銀員都會笑:ＢＢ咁細個幫手拎野喇!!
希望襯而家我仲抱得到佢行幾條街就抱喇,
遲D再重D就好難抱了.
(之所以唔用揹帶, 係因為抱住兔寶寶望到多D野,
見到多D人, 手仔仲可以騰出來摸下野,
我覺得呢D感觀對成長係好重要嫁!!)
睇下我同兔寶B玩得幾開心...
沒有留言:
張貼留言